Palawan – Nagsagawa ng Coastal Clean-up Drive ang mga tauhan ng 2nd Palawan Provincial Mobile Force Company sa dalampasigan ng Brgy. 4, Roxas, Palawan noong ika-23 ng Abril 2023.
Ang aktibidad ay pinangunahan ng mga tauhan ng 2nd Palawan PMFC sa pamumuno ni Police Lieutenant Colonel Mhardie Azares, Force Commander, kasama ang Bantay Roxas sa pangunguna ni Mr. Juvinal R. Libiran, OIC-Port Manager at mga residente ng Barangay 4, Roxas, Palawan sa paglilinis ng mga kalat at basura sa nasabing lugar.
Ang nakolektang mga basura ay mga plastic, bote, sirang damit at piraso ng mga kahoy.
Ang aktibidad na ito ay isang regular na inisyatibo ng yunit na linisin ang kapaligiran sa baybayin at gawing mas kaaya-aya at mas ligtas na lugar para sa lahat.
Panulat ni Patrolman Erwin Calaus
