Olongapo City (February 18, 2022) – Nagsanib pwersa ang iba’t ibang grupo at ahensya ng pamahalaan sa pagsagawa ng isang Coastal Clean-Up Drive sa baybayin ng Brgy. Barretto, Olongapo City bandang umaga ng Pebrero 18, taong kasalukuyan.
Ang nasabing aktibidad ay pinangunahan ni Police Lieutenant Colonel Miguel Menor at nang iba pang tauhan ng Olongapo City Police Office (CPO) sa ilalim ng pangangasiwa ni Police Colonel Carlito Udani Grijaldo, Acting City Director.
Nakilahok din ang Police Security and Protection Group (PSPG), PRO3, Olongapo City Forensic Unit (OCFU), 306th Maritime Police Station (MARPSTA), Aviation Security Group (AVSEG), 25th Special Action Company, Coast Guard Zambales, Department of Agriculture Office, Olongapo City at Alpha Company Army Reservist Command (ARESCOM).
Nakipagtulungan din sa aktibidad ang iba’t ibang grupo kasama na dito ang KALIGKASAN Eco-Warriors, Subic Bay Maharlika Eagles Club, Lakan Maharlika Eagles Club, CIS-SG, PARDSS FII, CSI-IG, CACG, P.O.G Riders Group.
Layunin ng aktibidad na ito na itaas ang kamalayan ng mga mamamayan sa pangangalaga ng kalikasan upang sa ganoon ay magkaroon sila ng malinis at ligtas na kapaligiran sa tulong ng iba’t ibang ahensya ng pamahalaan at Force Multipliers.
###
Panulat ni PCpl Maria Elena S Delos Santos
