Cebu – Nagsagawa ang mga tauhan ng Tudela Municipal Police Station ng coastal clean-up drive sa Tudela, Cebu nito lamang ika-25 ng Nobyembre 2022.
Ang aktibidad ay sa pangunguna ni Police Executive Master Sergeant Larry Fernandez at sa pangangasiwa ni Police Lieutenant Leovile Singson, Chief Station, katuwang ang mga miyembro ng Barangay Peacekeeping Action Teams (BPATs) at ang Criminology Intern ng Mt. Moriah College.
Nakapaglinis at nakalikom ang grupo ng sako-sakong mga basura sa lugar, kabilang na rito ang plastic wrappers, plastic bottles, lata at iba pa.
Layunin ng aktibidad na maprotektahan at mapangalagaan ang kalikasan kalakip nito ang pagpapanatili sa kaayusan, kaligtasan, at kapakanan ng komunidad.
