Parang, Maguindanao – Nagsagawa ng coastal clean-up drive ang Technical Support Company ng Regional Mobile Force Battalion 14 sa Zone Beach, Making, Parang, Maguindanao noong Nobyembre 2, 2022.
Pinangunahan ni PLt Ivan Rholan Canoy, Company Commander ng TSC RMFB 14 ang nasabing aktibidad para pagandahin ang baybaying dagat sapagkat nadumihan ito dulot ng bagyong “Paeng”.
Layunin ng aktibidad na ipakita sa publiko kung paano pahalagahan ng ating PNP ang baybaying dagat sa pamamagitan ng pagbawas ng basura at pagtapon sa tamang lugar.
Mahalagang linisin ang baybaying dagat sapagkat nagbibigay ito ng kaakit-akit sa ating kapaligiran para dayuhin ng ibang turista at para mapanatili ang kagandahan ng lugar.
Panulat ni Patrolman Mark Vincent Valencia
