Maria, Siquijor – Nagsagawa ng coastal clean-up drive ang Siquijor PNP sa Barangay. Bogo, Maria, Siquijor nitong ika-23 ng Hunyo 2022.
Pinangunahan ni Police Lieutenant Jasmin D Sario, Acting Chief of Police ng Maria Police Station ang naturang aktibidad katuwang ang iba’t ibang Lingkod Bayan Advocacy Support Groups, PWUDS, BFP at PDEA.
Ang ganitong aktibidad ay isinakatuparan upang maitaas ang kamalayan ng mamamayan tungkol sa marine pollution at makatulong sa pagbabawas ng basura at plastik sa karagatan.
Ang naging hakbang ng Siquijor PNP ay isang magandang solusyon upang mapigilan ang tuluyang pagkasira at pagkaubos ng yaman dagat at mapanatili ang kaayusan at kalinisan ng ating inang kalikasan.
###
Panulat ni Patrolwoman Kyla Hannah R Evangelista
