Siquijor – Nagsagawa ng coastal clean-up drive ang Siquijor PNP sa Barangay Candanay Norte, Siquijor nitong ika-21 ng Hunyo 2022.
Pinangunahan ni Police Major Michael A Rubia, Officer-in-Charge ng Siquijor Police Station ang naturang aktibidad katuwang ang mga kapulisan na sumasailalim sa Field Training Program at ang kanilang Field Training Officer, Bureau of Fire Protection, Philippine Coast Guard, LGU at Force Multipliers.
Ang ganitong aktibidad ay bahagi ng programa ng Pambansang Pulisya na KALIGKASAN “Kalinisan at Kaligtasan” na naglalayong hikayatin ang mga mamamayan upang alisin ang basura mula sa mga tabing-dagat, daluyan ng tubig at itaas ang kamalayan ng mamamayan sa pagkakaroon ng disiplina sa sarili.
Ang naging hakbang ng Siquijor PNP na siyang aktibong sinusuportahan ng iba’t ibang hanay ng pamahalaan maging ng mamamayan ay isang paraan upang pigilan ang pagkasira ng ating kalikasan at magkaroon ng malinis na kapaligiran.
###
Panulat ni Patrolwoman Jenilyn C Consul
