Culajao, Roxas City – Nagsagawa ng Coastal Clean-up Drive ang mga tauhan ng Roxas Airport Police Station sa Brgy. Culajao, Roxas City nito lamang Oktubre 18, 2022.
Ang paglilinis sa baybayin ay pinangunahan ni Police Major Ricky Waniwan, Station Chief, kaagapay ang mga tauhan ng nasabing istasyon.
Sako-sako ng samu’t saring basura ang nalikom ng mga personalidad na nakibahagi sa paglilinis.
Ang mga ganitong gawain ay nararapat lamang na pagtuunan ng pansin upang mapanatili ang kalinisan at kagandahan ng karagatan na siyang nagbibigay ng yamang dagat sa atin.
Ang naging hakbangin ng ating kapulisan ay nagpapakita ng kanilang malasakit sa pagpapanatili ng kagandahan at kaayusan ng kapaligiran at pagpapayabong ng likas na yaman para sa kaunlaran ng ating pamayanan.
