Romblon, Romblon – Nagsagawa ng Coastal Clean-up Drive ang mga tauhan ng Romblon Police Provincial Office kasama ang ibang ahensya ng Gobyerno sa Bonbon Beach, Brgy. Lonos, Romblon, Romblon noong Hulyo 15, 2022.
Ang aktibidad ay pinangunahan ni Police Colonel Raynold Rosero, Provincial Director ng Romblon PPO, kasama ang mga tauhan ng Romblon MPS, PNP-Maritime Unit, Police Security and Protection Group, Local Government Unit, at mga Barangay Officials sa paglilinis ng mga kalat at basura sa baybayin ng nasabing barangay.
Ayon kay PCol Rosero, ito ay kaugnay sa pinagdiriwang na ika-27th PCR Month Celebration na may temang: “Ugnayang Pulisya at Komunidad Tungo sa Mapayapa, Maayos at Maunlad na Pamayanan”.
Hinihikayat naman ng PNP ang mga mamamayan na patuloy na pangalagaan at protektahan ang kalikasan upang mapanatili ang kalinisan, kagandahan at kaayusan ng kapaligiran.
Source: Romblon Ppo
###
Panulat ni Patrolman Erwin Calaus
