Sarangani Province – Nagsagawa ng Coastal Clean-up Drive ang mga tauhan ng Regional Community Affairs and Development Division 12 sa dalampasigan ng Barangay Lun Masla, Malapatan, Sarangani Province nito lamang ika-7 ng Hulyo 2023.
Pinangunahan ni Police Colonel Ricky D Rebua, Chief, Regional Community Affairs and Development Division 12, ang aktibidad katuwang ang Philippine Coast Guard, Bureau of Fire Protection, mga tauhan ng Sarangani Police Provincial Office, Lokal na Pamahalaan ng Sarangani, KKDAT Sarangani at si Honorable Jean D. Delos Santos.
Mahigit 200 katao ang lumahok sa isinagawang paglilinis at umabot sa 150 na sako ng mga tuyong dahon, plastic at sanga ang nakolekta sa isinagawang paglilinis.
Ang mga ganitong aktibidad ay naglalayong panatilihin ang kalinisan sa ating yamang-dagat upang maiwasan ang polusyon na maaaring sumira dito.
Panulat ni Patrolman Charnie Atienza Mandia
