General Santos City – Nagsagawa ng Coastal Clean-up Drive ang mga tauhan ng Police Station 6 ng General Santos City sa Lions Beach, Queen Tuna Park, Barangay Dadiangas South, General Santos City nitong ika-7 ng Disyembre 2022.
Mahigit 100 na sako ng mga tuyong dahon at mga basura ang nakolekta sa kanilang ginawang paglilinis.
Naging matagumpay ang aktibidad sa pagtutulungan ng LGU Gensan, Force Multipliers, Lingkod Bayan Advocacy Support Groups at ang mga pinuno at miyembro ng simbahan mula sa World Mission Society Church of God Inc. na boluntaryong nakiisa sa nasabing aktibidad.
Ang mga ganitong aktibidad ay naglalayong mapanatili ang malinis na kapaligiran, isulong ang pangangalaga sa kapaligiran at bilang bahagi ng adbokasiya ng PNP na “Makakalikasan”.
Panulat ni Patrolman Charnie Atienza Mandia
