Sarangani Province – Nagsagawa ng Coastal Clean-up ang mga tauhan ng Sarangani Provincial Mobile Force Company at Moro Islamic Liberation Front sa dalampasigan ng Purok Magkaisa, Barangay Tuyan, Malapatan, Sarangani Province nito lamang ika-4 ng Mayo 2023.
Umabot sa mahigit 150 na sako ng mga tuyong dahon, plastic at mga sanga ang nakolekta sa isinagawang paglilinis.
Naging matagumpay ang aktibidad dahil sa pagtutulungan ng Sarangani Provincial Mobile Force Company, Moro Islamic Liberation Front, Lokal na Pamahalaan ng Sarangani at Force Multipliers.
Nagpasalamat naman ang mga residente ng naturang lugar dahil sa pagtulong ng ating pulisya upang maging malinis ang kanilang kapaligiran.
Ang aktibidad ay naglalayong panatilihin ang kalinisan sa ating mga dalampasigan upang maiwasan ang mga sakuna katulad na lamang ng tsunami at pagbaha.
Panulat ni Patrolman Charnie Atienza Mandia/RPCADU12
