Parang, Maguindanao – Nagsagawa ng Coastal Clean-up Drive ang Parang PNP sa Brgy. Magsaysay, Parang, Maguindanao nitong Hunyo 25, 2022.
Pinangunahan ni Police Lieutenant Colonel Joseph Macatangay, Chief of Police ng Parang Municipal Police Station ang naturang aktibidad katuwang ang Field Training Officers at Police Trainees, Barangay Officials at ang mga residente ng nasabing lugar.
Ang nasabing aktibidad ay pinasimulan upang isulong ang Clean and Green Project at nilalayon din nitong isali ang komunidad sa mga pangmatagalang hakbangin sa kapaligiran upang maiwasan at mabawasan ang epekto ng global warming sa pamamagitan ng mga aktibidad na pangkalikasan tulad ng tamang pagtatapon ng basura at Clean-up Drive.
Ang aktibidad na ito ay upang magkaroon ng kamalayan ang publiko sa pangangalaga at pagprotekta sa ating kapaligiran at upang mas lalo pang pagtibayin ang samahan ng PNP at ng komunidad.
###
Panulat ni Patrolman Charlie Nasroden Corpuz
