Clarin, Misamis Occidental – Isinagawa ang Coastal Clean-up Drive ng Misamis Occidental PNP sa Brgy Mialen, Clarin, Misamis Occidental nitong ika-11 ng Setyembre 2022.
Ito ay sa ilalim ng pangangasiwa ng Police Colonel Anthony Placido, Acting Provincial Director ng Misamis Occidental Police Provincial Office, katuwang ang Clarin Municipal Police Station, 2nd Provincial Mobile Force Company Misamis Occidental, Philippine Coast Guard at volunteers.
Tulong tulong ang mga nasabing grupo sa pagpupulot at paglilinis ng mga basura sa dalampasigan ng nasabing lugar.
Ang pagkakaisa ng iba’t ibang ahensya ng gobyerno upang mapangalagaan ang ating likas na yaman ay nagpapatunay na kaya nating labanan ang climate change kung tulong-tulong tayo tungo sa pangangalaga ng ating inang kalikasan.
Panulat ni Patrolman Edwin Baris/RPCADU 10
