Panglao, Bohol – Nagsagawa ng Coastal Clean-up Drive ang mga tauhan ng PNP Maritime Bohol sa Momo Beach, Brgy. Bil-isan, Panglao, Bohol nito lamang ika-12 ng Hulyo 2022.
Ang aktibidad ay pinangunahan ni Police Corporal Melvia Flor Pranaydo, sa direktang pangangasiwa ni Police Lieutenant Lucio DC Vergara Jr., Station Chief bilang pakikiisa sa ika-27th Police Community Relations Month na may temang “Ugnayang Pulisya at Komunidad tungo sa Mapayapa, Maayos at Maunlad na Pamayanan”.
Katuwang ng PNP Maritime ang EODK9/ PECU Bohol, SOS Members, AMPA Guards, KANAMABI Members sa pamumuno ni Mr. Michael G Guadicos, KANAMABI (Kapunongan sa Nagkahiusa Nga Mga Mananagat sa Barangay Bil-isan) President, at Brgy. Officials.
Nakaipon ang mga nasabing kalahok ng 25 sako ng iba’t ibang klase ng basura kagaya ng plastic, styrofoams, lampin, tasa at bote sa nasabing lugar.
Naging matagumpay ang nasabing aktibidad sa walang sawa at aktibong pagtulong ng mga kapulisan kasama ang mga iba’t ibang ahensya at mga volunteers.
Layunin ng Maritime PNP na maging malinis at protektahan ang dalampasigan mula sa mga basura na hindi nabubulok na sumisira sa yamang dagat at kagandahan ng karagatan.
###
Panulat ni Patrolwoman Jenilyn Consul
