Lila, Bohol – Nagsagawa ang mga tauhan ng Lila Police Station ng Coastal Clean-up Drive sa Catugasan Shore, Lila, Bohol nito lamang umaga ng Biyernes, ika-9 ng Setyembre 2022.
Ang aktibidad ay aktibong pinangunahan ng mga tauhan ng Lila Police Station sa pangangasiwa ni Police Lieutenant Allain Randy C Liba, Officer-In-Charge katuwang ang Lila LGU, Barangay Officials at mga residente ng naturang lugar.
Sa naturang aktibidad ay sako-sako ng iba’t ibang uri ng mga basura ang nalikom ng grupo.
Layunin ng aktibidad na patuloy na himukin ang mamamayan na makiisa sa mga aktibidad ng pamahalaan na naglalayong mapangalagaan at maprotektahan ang kalikasan at mapanatili ang kalinisan sa kapaligiran tungo sa isang maayos at masaganang pamayanan.
