Nagsagawa ng Coastal Clean-up Drive ang mga tauhan ng Larena PNP sa Dumalaay Blvd., Brgy. Cangmalalag, Larena, Siquijor nito lamang Enero 29, 2024.
Ang aktibidad ay pinangunahan ni Police Senior Master Sergeant Rey Pagente, sa ilalim ng pangangasiwa ni Police Captain Eddie Ric A Yarag, Acting Chief of Police kasama ang buong pwersa ng Larena Police Station at kaagapay ang mga miyembro ng Kabataan Kontra Droga at Terorismo (KKDAT) at mga Intern ng SSC Criminology sa naturang lugar.
Ang naturang grupo ay nagtulungan sa pag-alis ng mga basura na naglalaman ng mga kemikal upang mapanatili ang maayos at malinis na estado ng karagatan at mapabuti ang kalidad ng tubig na siyang sumisira sa magandang tanawin ng dagat.
Patuloy naman ang buong hanay ng kapulisan ng lungsod sa pagsasagawa ng mga aktibidad upang mapanatili ang kagandahan ng kalikasan.
Panulat ni Pat Nikkia B Cañedo
