Zamora, Guihulngan City – Nagsagawa ng Coastal Clean-Up Drive ang mga tauhan ng Guihulngan City Police Station sa baybayin ng Barangay P. Zamora, Guihulngan City nito lamang Sabado, Agosto 27, 2022.
Ang aktibidad ay pinangunahan ni Police Lieutenant Colonel Romeo G Cubo, Officer-In-Charge, katuwang ang mga miyembro ng 61st SAC PNP SAF, Brgy. Officials, PWUDs at Civilian Volunteers.
Hangad ng naturang programa na maging malinis at maprotektahan ang dalampasigan mula sa mga basurang hindi nabubulok na siyang sumisira sa mga yamang dagat at kagandahan ng karagatan.
Layunin ng nasabing aktibidad na itaas ang kamalayan ng mga mamamayan sa mga isyu sa kapaligiran at ipabatid na ang Guihulngan PNP at iba pang ahensya ng pamahalaan ay kaisa sa pagpapanatili ng isang eco-friendly na kapaligiran sa pamamagitan ng patuloy na pakikiisa at pangangalaga sa ating likas na yaman.
###
Panulat ni Patrolwoman Jenilyn C Consul
