Nagsagawa ng Coastal Clean-up Drive ang mga tauhan ng Getafe Municipal Police Station sa Getafe Public Market, Getafe, Bohol nito lamang ika-1 ng Hulyo 2022.
Ang nasabing aktibidad ay pinangunahan ni Police Executive Master Sergeant Melchor L Mejias na direktang pinangangasiwaan ni Police Lieutenant Margarito Cagoco Jr katuwang ang mga tricycle driver ng Getafe, Bohol.
Ayon kay Police Lieutenant Cagoco, ang nasabing aktibidad ay kasabay ng pagdiriwang sa ika-27th Police Community Relations Month na may temang “Ugnayang Pulisya at Komunidad tungo sa Mapayapa, Maayos at Maunlad na Pamayanan” at alinsunod na rin sa PNP Core Values na “Makakalikasan”.
Layunin ng Getafe PNP na mapanatili ang kalinisan sa kanilang nasasakupan at kanilang hinimok ang mga residente na patuloy na makiisa sa mga proyekto ng pamahalaan na naglalayong panatilihin ang kaayusan at kalinisan upang makaiwas sa mga sakuna at pagkasira ng ating kalikasan.
###
Panulat ni Patrolman Carl Philip L Galido
