Eastern Samar – Nagsagawa ng coastal clean-up drive ang Eastern Samar PNP sa Sitio Sabang, Barangay Garden, Arteche, Eastern Samar noong Sabado, Mayo 14, 2022.
Ang nasabing aktibidad ay pinangunahan ni Police Lieutenant Prudante Gatan, Officer-in-Charge ng Police Community Affairs Section ng 801st Maneuver Company kasama ang Arteche Municipal Police Station, Kabataan Kontra Droga at Terorismo (KKDAT) members, mga SK Officials ng nasabing barangay at grupo ng Triskelion De Arteche.
Ang layunin ng aktibidad ay upang matiyak ang kamalayan ng publiko tungkol sa mga kasanayan sa pamamahala ng basura, at magbigay ng inspirasyon sa mga tao na maging mas mahusay na tagapangasiwa ng ating kapaligiran.
Ang ganitong uri ng aktibidad ay bahagi ng programa ng Pambansang Pulisya na KALIGKASAN: “Kalinisan at Kaligtasan”.
Pinangako ng kapulisan ng Eastern Samar na patuloy ang adbokasiya na pangalagaan ang yamang dagat at mapanatiling malinis ang ating karagatan na nagbibigay ng kabuhayan sa mamamayan.
###
