Biliran – Pinangunahan ng mga tauhan ng Culaba Municipal Police Station ang pagsasagawa ng coastal clean-up drive sa kahabaan ng Coastal area ng Brgy. Lo-oc, Culaba, Biliran nitong Huwebes, Enero 19, 2023.
Ito ay matagumpay na naisakatuparan sa pamumuno ni Police Captain Benigno Avila, Acting Chief of Police kasama ang Faith-Based Advocacy Support Group, Barangay Peacekeeping Action Teams, Fisher Folks, at mga kababaihan ng naturang barangay.
Nasa mahigit 10 sako-sakong basura gaya ng plastic bottles, Styrofoam, mga naanod na kahoy at iba pa ang nakuha ng nasabing grupo sa isinagawang aktibidad.
Ang ganitong uri ng aktibidad ay naglalayong mapanatili ang malinis na karagatan at isulong ang pangangalaga sa ating likas na yaman at bilang bahagi ng PNP Core Vaues na “Makakalikasan”.
