Camiguin – Nagsagawa ng Coastal Clean-up Drive ang mga tauhan ng Mambajao Municipal Police Station sa Sitio Cabuan, Brgy. Poblacion, Mambajao, Camiguin nito lamang Enero 23, 2023.
Ang aktibidad ay pinangunahan ni Police Lieutenant Colonel Romel Lampa Cena, Officer-In-Charge ng Mambajao Municipal Police Station katuwang ang KKDAT Camiguin, Eco Warrior Camiguin at Philippine Army.
Tulong-tulong ang naturang grupo sa paglilinis sa tabing dalampasigan na nakalikom ng sako-sakong basura.
Ang Pambansang Pulisya ay hinihikayat ang komunidad na makiisa sa ganitong uri ng aktibidad at magkaroon ng malasakit sa ating kapaligiran tungo sa kaunlaran ng bansa.
Panulat ni Patrolman Jomhel Tan/RPCADU10
