Tagbilaran City, Bohol – Nagsagawa ng coastal clean-up drive ang kapulisan ng Bohol Maritime Police Station sa K of C Drive, Poblacion II, Tagbilaran City, Bohol nito lamang umaga ng Linggo, Mayo 29, 2022.
Ang nasabing aktibidad ay pinangunahan ni Police Lieutenant Lucio DC Vergara Jr., Station Chief ng Bohol Maritime Police Station, katuwang ang CAVO, PCG-Western Bohol, Tagbilaran City Bantay Dagat, SOS (Saviors of the Sea) members and Criminology Interns of BIT-College.
Ayon kay Police Lieutenant Vergara, 15 sako ng mga basura at plastic waste ang nakolekta sa nasabing lugar.
Layunin ng PNP na hikayatin ang mamamayan na patuloy na makiisa at makilahok sa mga programa ng pamahalaan upang mapanatili ang kalinisan, kagandahan at kasaganahan ng mga likas na yaman.
###
Panulat ni Patrolwoman Jenilyn C Consul
