Cagayan – Nagsagawa ang Aparri PNP ng Coastal Clean-up Drive sa Punta Beach, Aparri, Cagayan noong Martes, ika-6 ng Hunyo 2023.
Idinaos ang aktibidad sa pangunguna ni Police Major Jefferson Mukay, Officer-In-Charge, katuwang ang mga miyembro ng Regional at Provincial Police Human Rights, at mga aktibong residente ng nasabing barangay.
Ang aktibidad ay alinsunod sa PNP Core Values na “Makakalikasan” at ang programa ng Cagayan Police Provincial Office na Clean and Green CPPO Dream at I love Cagayan River.
Layunin ng aktibidad na mapangalagaan ang karagatan sa nasasakupang probinsya at mapanatiling malinis at magkaroon ng produktibong komunidad.
Hinihikayat ng PNP ang mamamayan na patuloy na pahalagahan at protektahan ang kalikasan upang mapanatili ang kalinisan, kagandahan at kaayusan ng kapaligiran.
Source: Aparri Police Station
