Nagsagawa ng coastal clean-up drive ang Aparri PNP sa baybayin ng Brgy. Punta, Aparri, Cagayan nito lamang Sabado, ika-5 ng Nobyembre 2022.
Matagumpay na naisagawa ang aktibidad sa pangunguna ni Police Major Gil Pagulayan Jr., Chief of Police katuwang ang mga miyembro ng Tourist Police, Philippine Coast Guard, Maritime Group, Kabalikat Civicom, mga opisyales at residente ng nasabing barangay at mga aktibong miyembro ng Kabataan Kontra Droga at Terorismo Baybay Ku Dalus Ku (BKDK) Advocacy Group.
Ang aktibidad ay alinsunod sa PNP Peace And Security Framework na M+K+K=K o ang “Malasakit, Kaayusan, Kapayapaan tungo sa Kaunlaran”, na hangad na maitaas ang kamalayan ng lipunan sa kahalagahan ng paglilinis ng mga baybayin at pangangalaga ng karagatan.
Ang naging hakbangin ng grupo at ang patuloy na pagsusulong ng programa ay isang indikasyon ng tapat na pagkakaroon ng malasakit ng mga ito para sa isang maayos at maunlad na kalikasan.
Source: Aparri Police Station
Panulat ni Patrolwoman Juliet Dayag
