Alcoy, Cebu – Nagsagawa ng Coastal Clean-up Drive ang mga tauhan ng Alcoy Municipal Police Station sa coastal area ng Brgy. Pugalo, Alcoy, Cebu nito lamang ika-15 ng Nobyembre 2022.
Matagumpay na naisakatuparan ang aktibidad sa pangunguna ni Police Lieutenant Ramuel Banogon, Chief of Police ng Alcoy Municipal Police Station, katuwang ang Pugalo Brgy. Officials sa pamumuno ni Hon. Brgy. Captain Ronelo Debulosan, Barangay Health Worker at BPSO.
Ang ganitong uri ng aktibidad ay nararapat lamang na pagtuunan ng pansin upang mapanatiili ang kalinisan at kagandahan ng ating yamang dagat.
Ito ay paraan ng Alcoy PNP upang hikayatin ang mamamayan na lumikha ng mga posibleng solusyon sa matagal nang problema sa solid waste sa ating mga lokal na lugar sa pamamagitan ng pag-alis ng mga basura sa mga dalampasigan at daluyan ng tubig.
