Iloilo – Nagsagawa ng Coastal Clean-Up Drive ang mga tauhan ng 1st Iloilo Provincial Mobile Force Company na ginanap sa Barangay Namocon, Tigbauan, Iloilo nito lamang ika-4 ng Pebrero 2023.
Ang aktibidad ay aktibong nilahukan ng Tigbauan MPS, Bureau of Fire Protection, Philippine Coast Guard, Philippine Science High School Western Visayas Students, Barangay Officials, BHW, KKDAT, RHU, MENRO, Guardians Tigbauan Chapter, Criminology Intern at 4Ps ng nasabing lugar.
Layunin nito na protektahan ang karagatan at upang maiwasan ang polusyon sa tubig at pagkaubos ng yamang dagat para mapanatili ang kagandahan ng ating kapaligiran.
Ang kapulisan katuwang ang ibang ahensya ng gobyerno ay magkakaisa sa pangangalaga ng ating mga likas na yaman.
