Catmon, Cebu – Nagsagawa ng Coastal Clean-up Drive at Feeding Program ang mga tauhan ng Catmon Police Station, CPPO sa Barangay Macaas, Catmon, Cebu nito lamang ika-25 ng Nobyembre 2022.
Ang aktibidad ay pinangunahan ng mga tauhan ng Catmon Police Station sa pangangasiwa ni Police Lieutenant Teofilo Manlanat, Officer-In-Charge katuwang ang Kabataan Kontra Droga at Terorismo (KKDAT) Catmon Chapter at Faith-Based Groups.
Sa naturang aktibidad ay masayang namigay ng mga pagkain ang grupo sa mahigit 30 na mga bata at nakapaglinis sa baybayin kung kaya nakalikom ang mga ito ng iba’t ibang uri ng mga basura.
Alinsunod sa peace and security framework ng PNP na M+K+K=K (Malasakit, Kaayusan, Kapayapaan Tungo sa Kaunlaran), sa ilalim ng Programang KASIMBAYANAN (Kapulisan, Simbahan at Pamayanan), na naglalayong pagtibayin ang pagtutulungan ng Kapulisan, SIMBAhan at pamaYANAN.
Ang Pambansang Pulisya ay walang ibang hangarin kung hindi mapangalagaan ang bawat mamamayan maging ang ating kapaligiran upang makamtan ang kasaganahan at kaunlaran sa ating pamayanan.
