Legazpi City, Albay – Nagsagawa ng Coastal Clean-up Drive ang Albay Police Provincial Office at Rotary Club sa Macabolo River at sa baybayin ng Barangay Dap-Dap, Legazpi City nitong Linggo, Hulyo 3, 2022.
Ang naturang aktibidad ay pinangunahan ni Police Colonel Byron Tabernilla, Provincial Director ng Albay Police Provincial Office kasama ang Rotary Club, kaugnay rin ito ng Kick-off Project na may temang “Gift To Our Shore”.
Nakiisa rin sa nasabing aktibidad ang mga miyembro ng iba’t ibang ahensya ng gobyerno, mga pribadong sektor, mga Lingkod Bayan Advocacy Support Group at Force Multipliers tulad ng KKDAT Albay Chapter at Kaligkasan.
Samantala, nagsagawa rin sila ng Bamboo Planting sa ilalim ng Bogtong Bridge, Barangay Bogtong, Legazpi City dakong alas-8:00 ng umaga ng parehong araw.
Ang pagpapadama ng pagmamahal kay inang kalikasan ay pagpapamalas din ng pagmamahal sa mga kabataan na siyang makikinabang at magpapatuloy sa pangangasiwa ng ating kapaligiran.
Source: Albay PPO
###
Panulat ni Patrolman Jomar Danao
