Bohol – Aktibong nakilahok ang mga tauhan ng Garcia-Hernandez Police Station sa isinagawang Coastal Clean-up at Mangrove Planting sa Barangay Canhaway, Guindulman, Bohol nito lamang umaga ng Biyernes, Abril 28, 2023.
Kabilang din sa mga lumahok ang mga tauhan ng Guindulman Police Station, Valencia MPS, Jagna MPS, Mabini MPS, Sierra-Bullones MPS, Candijay MPS, Anda MPS, Duero MPS at Alicia MPS.
Sa pagtutulungan ng naturang grupo ay matagumpay na naitanim ang tinatayang nasa 200 na mangrove tree at nakakolekta ng iba’t ibang uri ng basura sa baybayin ng lugar.
Ito ay alinsunod sa PNP Core Values na “Makakalikasan” at PRO7 Project HAW-AS na naglalayong palawakin ang pagpapahalaga sa kalikasan upang magkaroon ng magandang kapaligiran at mapanatili ang kagandahan ng ating likas na yaman.
