Talibon, Bohol – Nagsagawa ng coastal clean-up activity ang Talibon PNP sa Sitio Eskinita, Poblacion, Talibon, Bohol nito lamang Biyernes, Hunyo 3, 2022.
Ang aktibidad ay pinangunahan ni Police Major Gereon Avergonzado Item, Chief of Police ng Talibon Municipal Police Station, katuwang ang mga kapulisan na sumasailalim sa Field Training Program at ang kanilang Field Training Officer.
Ayon kay Police Major Item, layunin ng nasabing aktibidad na hikayatin ang mga tao na maging mas maagap sa pagtataguyod ng kalinisan upang makatulong na isulong ang malinis at malinaw na karagatan sa ating komunidad para sa ating henerasyon at higit sa lahat para sa susunod na henerasyon.
Hinihikayat ng PNP ang mga residente ng nasabing lugar na makiisa at makilahok sa mga programa ng Pambansang Pulisya lalo na sa pangangalaga ng ating kalikasan.
###
Panulat ni Carl Philip Galido
