Eastern Samar – Kusang nagbalik-loob ang isang miyembro ng Communist NPA Terrorist (CNT) sa mga kapulisan ng 1st Eastern Samar Provincial Mobile Force Company sa Dolores, Eastern Samar noong Miyerkules, Agosto 24, 2022.
Kinilala ni Police Lieutenant Colonel Joy G Leanza, Force Commander ng 1st Eastern Samar PMFC ang sumuko na si alyas “Ka-Nonoy”, isang PSR Listed Member ng NPA sa Barrio of Front-3, Sub-Regional Committee, ARCTIC, Eastern Visayas Regional Party Committee, 47, magsasaka, may live-in partner at residente ng Sitio Hituyan, Barangay San Pascual, Dolores, Eastern Samar.
Ayon kay PLtCol Leanza, sa pagpapatupad ng Executive Order No. 70 National Task Force to End Local Communist Armed Conflict (NTF-ELCAC) at ng inisyatiba ng 1st Eastern Samar PMFC ay agad na nakumbinsi ang isang regular na miyembro ng CNT at kusang-loob na tumalikod sa armadong pakikibaka at nagpasyang maging produktibong mamamayan.
Ang surrenderee ay nasa ilalim ng pansamantalang kustodiya ng 1st ESPMFC Headquarter para sa safekeeping, debriefing at nakabinbin ang resulta ng validation ng Joint AFP-PNP Intelligence Committee (JAPIC) at ang entitlement ng nararapat na benepisyo ng Enhanced-Comprehensive Livelihood Program (E-CLIP).
Mensahe ni PLtCol Leanza, “Umaasa ako na ang mga natitirang NPA, ang mga piniling manatiling bulag at bingi sa panawagan ng gobyerno ay sana matanto na ang ipinaglalaban ng mga terorista ay isang walang kabuluhang layunin. Ito ay dinisenyo upang sirain ang kinabukasan at pamilya ng isang tao. Sa ating mga kapatid na NPA, isuko ang inyong mga armas at mamuhay ng mapayapa. Malugod kayong tatanggapin ng gobyerno”.
###
Panulat ni Patrolwoman Rialyn B Valdez
