Malawakang clearing operations ang isinagawa ng PNP matapos manalanta ang super typhoon “Karding” sa mga lubhang apektadong lugar lalo na sa NCR, Cagayan Valley, Central Luzon, CALABARZON at Bicol region.
Kasunod ng aktwal na operasyon sa nasabing bagyo, nakapagtala ang Pambansang Pulisya ng 1,584 deployed personnel sa mga nasabing rehiyon na nagsagawa ng Search, Rescue and Retrieval operations.
“Now that “Karding” has exited from the Philippine Area of Responsibility, our personnel will be assisting on clearing operations and relief operations. There is so much work to be done especially that many structures and houses were damaged by the storm,” ani Police Lieutenant General Jose Chiquito M Malayo, Officer-in-Charge ng PNP.
Ayon pa kay PLtGen Malayo, patuloy na nakikipag-ugayan ang lahat ng unit ng pulisya sa kani-kanilang local na pamahalaan at mga disaster management authorities upang matugunan ang iba pang pangangailangan ng mga apektado ng bagyo.
Aniya, “Our assets, including our transportation and communication equipment were made available to augment in the rescue, relief and clearing operations. Tulong-tulong tayo sa pagbangon, sino man, saan man, kami ay handa kayong protektahan at pagsilbihan. Kami ang inyong kapulisan. Kakampi ninyo sa kaligtasan.”
Tiniyak ni General Malayo sa mga charity group at iba mga stakeholders at NGOs na handa ang PNP na sila’y tulungan upang ipaabot ang anumang tulong na ibibigay nila sa mga apektado ng kalamidad.
Source: PNP-PIO
