Pinangunahan ng Solana Police Station ang isinagawang Clean-up Drive sa Solana Public Cemetery, Barangay Centro Northwest, Solana, Cagayan noong Oktubre 22, 2022.
Ayon kay Police Lieutenant Colonel Darwin John Urani, Acting Chief of Police, naging matagumpay ang aktibidad dahil sa tulong ng mga aktibong miyembro ng Advocacy Support Groups na Kaligkasan at Kabataan Kontra Droga at Terorismo Solana Chapter.
Samantala, nagsagawa rin ng kaparehong aktibidad sa Palao Public Cemetery, Barangay Palao, Solana Cagayan katuwang naman ang mga tauhan ng Bravo Coy 77 IB 5th Infantry Battalion Philippine Army at Force Multipliers.
Tiniyak din ni PLtCol Urani na magiging alerto ang kanilang buong hanay upang masiguro ang ligtas at payapang UNDAS 2022 sa bayan ng Solana.
Source: Solana Police Station
Panulat ni Police Corporal Carla Mae P Canapi
