Bilang bahagi ng Proyektong BARANGAYanihan ng Pambansang Pulisya, ang Gen. Mariano Alvarez Municipal Police Station ay nagsagawa ng sabayang Clean-up Drive kasama ang Alpha Kappa Rho (AKRHO) at iba pang community volunteers sa mga barangay ng Delas Alas, Poblacion 5 at Olaes sa bayan ng Gen. Mariano Alvarez, Cavite nitong Nobyembre 15, 2021.
Bago pa man nagsimula ang programa, bumisita si Mayor Maricel E. Torres at inihayag ang kaniyang pasasalamat sa mga residente na aktibong nakilahok sa naturang aktibidad.
Isinasagawa ang BARANGAYanihan tuwing weekends na naglalayong panatilihin ang kalinisan, kaligtasan, at kaayusan sa bayan habang pinalalakas ang partisipasyon ng mga mamamayan at Community Organizations.
Patuloy tayong magbayanihan tungo sa isang malinis, ligtas, at maayos na pamayanan.
####
Panulat ni: Patrolman Teody L Aguilos
