Antipolo City, Rizal – Matagumpay na naisagawa ang Clean-up Drive/Lecture ng Antipolo PNP sa Sitio Ahon, Brgy. San Roque, Antipolo City nito lamang Huwebes, Mayo 19, 2022.
Ang naturang aktibidad ay pinangunahan ng Antipolo City Police Station sa pamumuno ni Police Lieutenant Colonel June Paolo Abrazado, Acting Chief of Police ng Antipolo City Police Station.
Nanguna ang ating otoridad sa pagbabahagi ng kaalaman sa Crime Prevention, Gender and Development, Anti-terrorism at Drug Awareness sa mga Homeowners Association members.
Nakiisa sa naturang aktibidad ang KaligKasan Advocacy Support Group; Ahon Homeowners Association sa pangunguna ng Presidente/Sitio Chairman Marilyn Gaffud; Kapitan Leandro Cabasbas ng Barangay San Roque; City Environment and Waste Management Office at General Service Office.
Ayon kay PLtCol Abrazado, ang naturang aktibidad ay isang paraan upang mabawasan ang kalat at basura na maaaring maging sanhi ng pagbaha at maimulat sa mga residente na pahalagahan at ingatan ang kapaligiran sa pamamagitan ng tamang pagtatapon ng basura at pagpapanatili ng kalinisan sa komunidad.
###
Panulat ni PEMS Joe Peter Cabugon/RPCADU 4A
