Tacurong, Sultan Kudarat – Nakilahok ang PNP sa 2nd Quarter Limpyo Kalog 2022 (Clean-up Drive) na ginanap sa Doña Aurora Street, Poblacion, Tacurong City, Sultan Kudarat noong Ika-19 ng Hunyo 2022.
Ayon kay PLtCol Hoover Tapang Antonio, Force Commander ng 1st Sultan Kudarat Provincial Mobile Force Company, alas 5:00 ng umaga ng pinangunahan ni PCpl Mary Eileen Bautista, PCAD PNCO kasama ang mga miyembro ng Greek AFSO Tacurong ang paglilinis sa naturang lugar.
Ang naturang aktibidad ay naglalayong maprotektahan, at mapangalagaan ang kapaligiran upang maging maganda at ligtas para sa komunidad ng Tacurong City.
Lubos na nagpapasalamat ang mamamayan ng Tacurong City sa isinagawang aktibidad na ito ng PNP.
Tiniyak naman ni PLtCol Antonio, na patuloy ang pagbibigay suporta at pangangalaga ng kanilang tanggapan sa pamayanan ng Sultan Kudarat upang maging isang ligtas at mas kumportableng komunidad para sa mamamayan.
###
Panulat ni Patrolman Khnerwin Jay A Medelin
