Zamboanga City – Nagsagawa ng Clean-up Drive ang mga tauhan ng Zamboanga City PNP sa Araneta Drive Tierra Madre, Brgy. Tumaga Zamboanga City nito lamang Linggo, Nobyembre 20, 2022.
Ang aktibidad ay pinangunahan ni Police Colonel Alexander Lorenzo, City Director ng Zamboanga City Police Office katuwang ang BALIKATAN, Philippine Coast Guard at volunteers.
Nilinis ng naturang grupo ang mga nakakalat na basura at mga estero upang maiwasang pamugaran ng lamok at pagmulan ng sakit na dengue.
Layunin ng Zamboanga City PNP na mapanatiling malinis ang kapaligiran ng kanilang nasasakupan kaugnay sa isa sa mga Core Values ng PNP na Makakalikasan.
Panulat ni Police Staff Sergeant Grace Neville Ortiz
