Sultan Kudarat – Nagsagawa ng Clean-up Drive ang mga tauhan ng Sultan Kudarat 1st Provincial Mobile Force Company sa kahabaan ng Zone 2, Purok Sampaguita, Brgy. New Isabela, Tacurong City, Sultan Kudarat nito lamang ika-25 ng Mayo 2023.
Pinangunahan ni Police Lieutenant Colonel Roy Patriarca Romualdo, Force Commander ng Sultan Kudarat 1st PMFC, ang aktibidad katuwang ang Tau Gamma Phi Triskelion Fraternity, Lokal na Pamahalaan ng Tacurong at mga Force Multipliers na boluntaryong nakiisa sa isinagawang paglilinis.
Umabot sa mahigit 50 na sako ng mga plastik, tuyong dahon at mga putol na sanga ang nakolekta sa isinagawang paglilinis.
Ang aktibidad ay naglalayong panatilihin ang kalinisan sa bawat komunidad upang maiwasan ang polusyon na maaaring makasira sa ating kapaligiran.
Panulat ni Patrolman Charnie Atienza Mandia/RPCADU12
