Sabangan, Mountain Province – Nagsagawa ng Clean-up Drive ang mga tauhan ng Sabangan PNP sa kahabaan ng Brgy. Losad, Lagan at Poblacion, Sabangan Mountain Province nito lamang Miyerkules, Setyembre 28, 2022.
Pinangunahan ito ng mga tauhan ng Sabangan Municipal Police Station sa ilalim ng pamumuno ni Police Lieutenant Aida Esteban, Acting Chief of Police katuwang ang Kabataan Kontra Droga at Terorismo Bontoc Chapter at mga mag-aaral ng San Alfonso High School.
Ang naturang grupo ay namulot ng mga kalat tulad ng mga plastik at mga natuyong dahon na nakapaligid sa kahabaan ng ilog sa nasabing lugar.
Ang aktibidad na ito ay naglalayong ilunsad ang pagpapanatili ng kalinisan at pangangalaga sa kagandahan ng ating inang kalikasan.
