Nagsagawa ng malawakang Clean-up Drive ang mga tauhan ng Regional Mobile Force Battalion (RMFB) sa loob ng Camp Bagong Diwa, Bicutan, Taguig City nito lamang Huwebes, Hunyo 20, 2024.
Ito ay pinangunahan ni Deputy Force Commander, Police Major Mark Ronan Balmaceda sa direktibang pamumuno ni Police Colonel Celso M Rodriguez, Force Commander ng RMFB.
Tulong-tulong sa paglilinis ng mga basura, pagtanggal ng mga debris, at pagpapaganda ng kampo ang mga tauhan ng RMFB.
Ang inisyatibong ito ay naglalayong itaguyod ang pangangalaga sa kapaligiran at paghusayin ang kalinisan at kaligtasan ng ating kapaligiran na pakikinabangan ng lahat.
Source: RMFB NCRPO
Panulat ni PSSg Remelin M Gargantos
