Tawi-Tawi – Nagsagawa ng Clean-up Drive ang mga kapulisan ng 5th Regional Mobile Force Company ng Regional Mobile Force Battalion BASULTA sa Brgy. Pahut, Bongao, Tawi-Tawi nito lamang ika-8 ng Hulyo 2023.
Ayon kay Police Captain Davis Panisigan, Company Commander ng 5th RMFC-RMFB BASULTA, bandang alas-7 ng umaga ng nagsimula ang naturang aktibidad na nakalikom ng aabot sa 20 plastik ng basura.
Dagdag pa, ang aktibidad na ito ay naglalayong isulong ang pagbabawas ng basura, pag-recycle, at mabigyang kamalayan ang publiko sa pamamahala ng basura.
Samantala, patuloy ang 5th RMFC-RMFB BASULTA sa pagsasagawa ng mga aktibidad na bahagi din ng core values ng Pambansang Pulisya na “Makakalikasan” upang mapanatili ang kalinisan ng ating kapaligiran.
Panulat ni Patrolman Charlie Nasroden Corpuz
