Misamis Occidental – Nagsagawa ng Clean-up Drive ang mga miyembro ng Ozamis Maritime PNP sa Ozamis City Central School, Brgy. Tinago, Ozamis City, Misamis Occidental nito lamang umaga ng Oktubre 8, 2023.
Ito ay sa pangangasiwa ni Police Major Julie Buac, Station Chief ng Maritime Ozamis PNP katuwang ang Philippine Coast Guard Ozamis City, PNP Aviation Group, Ozamis City Police Station, Tau Gamma Phi Ozamis City, KABALIKAT CIVICOM at iba pang volunteers.
Bitbit ang walis tingting at mga sako ay sabay-sabay naglinis ang mga naturang grupo sa paligid ng paaralan at inayos ang mga nakahambalang na mga kahoy.
Ang aktibidad ay alinsunod sa PNP Core Values na “Makakalikasan” at hinihikayat ang mga mamamayan na makilahok sa mga programa ng PNP lalong lalo na sa pangangalaga ng kalikasan.
Panulat ni Patrolman Edwin Baris
