Nagsagawa ng Clean-up Drive ang mga tauhan ng Nueva Ecija 2nd Provincial Mobile Force Company sa Brgy. Macapsing, Rizal, Nueva Ecija nito lamang Biyernes, ika-12 ng Enero 2024.
Ang naturang aktibidad na pinamunuan ni Police Major Christopher Baybayan, Force Commander ng Nueva Ecija 2nd Provincial Mobile Force Company kasama ang mga residente at opisyales ng nasabing barangay.
Nagkaisa ang bawat indibidwal sa paglilinis upang maipakita ang kahalagahan ng pagkakaroon ng malinis na kapaligiran at sanayin ang mga residente sa tamang pagtatapon ng mga basura.
Ito ay kaugnay sa programa ng Pambansang pulisya na KALIGKASAN o Kaligtasan at Kalikasan na naglalayong makiisa ang mga awtoridad sa pangangalaga ng ating inang kalikasan
Patuloy ang Nueva Ecija PNP sa pagsasagawa ng mga aktibidad upang mapanatili ang kalinisan at kagandahan ng kalikasan.
Panulat ni Patrolwoman Janeth Ballad
