Tarlac – Nagsagawa ng Clean-up Drive ang Mayantoc PNP sa Brgy. Nambalan, Mayantoc, Tarlac nito lamang Martes, ika-9 ng Mayo 2023.
Ang naturang aktibidad ay pinamunuan ni Police Major Randie Niegos, Chief of Police ng Mayantoc Municipal Police Station.
Bilang pagmamalasakit sa ating kalikasan, naglinis ang mga pulisya sa pamamagitan ng pagwalis ng mga nakakalat na basura at mga plastic bottle sa nasabing lugar.
Aktibong nakiisa ang mga mag-aaral ng San Bartolome High School, Mayantoc, Tarlac at mga miyembro ng Kabataan Kontra Droga at Terorismo.
Kaugnay ang naturang aktibidad sa PNP Core Values na “Makakalikasan”.
Layunin nito ang mapangalagaan ang ating kalikasan at maiwasan ang kontaminasyon sa tubig dulot ng maruming basura.
Patuloy ang Tarlac PNP na makikiisa sa pangangalaga ng ating kalikasan at hinihikayat din ang mga mamamayan na makibahagi sa pagpapanatili ng kalinisan sa ating mga bakuran.
Source: Mayantoc Municipal Police Station
Panulat ni Police Corporal Jeselle Rivera/RPCADU3
