Pasay City, Philippines – Matagumpay ang isinagawang Clean-up Drive ng mga miyembro ng Aviation Security Unit NCR, NAIA Police Station 1, sa Barangay 195 Zone 20, Pasay City, nito lamang ika -14 ng Nobyembre 2022.
Ang aktibidad ay sama-samang isinakatuparan ng mga miyembro ng nasabing istasyon sa direktang pamumuno ni Police Colonel Cesar T Gerente, Chief, AVSEU NCR katuwang ang Brgy. Chairman, Brgy. Officials at mga miyembro ng Tulong Panghanapbuhay sa Ating Disadvantaged/ Displaced Workers (TUPAD) ng nasabing Barangay.
Ang naging hakbangin ng mga nasabing grupo ay naglalayong mapanatili ang kalinisan ng kapaligiran upang mas mapangalagaan ang ganda ng ating Inang kalikasan na siyang ating pangunahing pinagkukunan ng pang kabuhayan.
Patuloy ang pakikipagtulungan ng ating Pambansang Pulisya sa iba’t ibang Advocacy Support Groups at ahensya ng pamahalaan upang makamit ang iisang layunin na magkaroon ng kaayusan, kapayapaan at kaunlaran sa ating pamayanan.
