Nagsagawa ng Clean-up Drive ang mga tauhan ng Aurora 1st Provincial Mobile Force Company, Barangay officials, Sangguniang Kabataan, at Advocacy Support Group Guardians (Maria Aurora Chapter) sa Barangay Baubo, Maria Aurora, Aurora nito lamang Sabado, ika-17 ng Agosto 2024.
Matagumpay ang nasabing aktibidad sa pangunguna ni Police Catain Ronald C Baroma, Platoon Leader sa ilalim ng pamumuno ni Police Lieutenant Colonel Jun S Dela Cruz, Acting Force Commander.
Nagtulungan ang bawat isa sa paglilinis alinsunod sa kasalukuyang administrasyon na Revitalized Pulis sa Barangay (RPSB) program na naglalayong mapangalagaan at maprotektahan ang kapaligiran.
Patuloy ang pamahalaan at ang Pambansang Pulisya sa pagsasagawa ng mga aktibidad na hikayatin ang mamamayan na maging bahagi sa pangangalaga sa ating kalikasan.
