Nagsagawa ng Clean-up Drive ang mga tauhan ng Lacub Municipal Police Station sa Poblacion, Lacub, Abra, nito lamang Miyerkules, Hunyo 5, 2024.
Naging matagumpay ang aktibidad sa ilalim ng pamumuno ni Police Lieutenant Agosto Domeris, Deputy Chief of Police, katuwang ang Department of the Interior and Local Government, Local Government Unit sa pangunguna ni Hon. Nestor B Bersamina, at mga Barangay Officials ng nasabing Barangay.
Ito ay kaugnay sa pagdiriwang ng World Environment Day na sabay-sabay na isinagawa sa buong rehiyon, kung saan sama-samang namulot ng mga basura at nakalikom ng sako-sakong basura ang mga nasabing grupo.
Layunin ng aktibidad na magbigay ng kamalayan sa mamamayan at upang mapanatili ang kaayusan at kalinisan sa komunidad sa pamamagitan ng pangangalaga sa kapaligiran at sa ating inang kalikasan.
