Isinagawa ang pangangalaga ng kapaligiran ng mga tauhan ng 2nd Nueva Ecija Provincial Mobile Force Company sa pamamagitan ng Clean-up Drive sa Sitio Cabelo, Barangay Piut Carranglan, Nueva Ecija nito lamang Sabado, ika-23 ng Nobyembre 2024.
Ang naturang aktibidad ay pinangunahan ni Police Captain Pepe D Alindayo Jr., Revitalized Pulis Sa Barangay (R-PSB) Team Leader, katuwang ang Barangay Officials at mga residente ng nasabing lugar.
Ito ay naglalayong itaguyod at magbigay kamalayan sa komunidad hinggil sa pagpapalakas ng mga kampanya sa paglilinis upang mapanatili ang kagandahan ng ating inang kalikasan.
Patuloy ang PNP na magbigay serbisyong publiko sa pamamagitan ng pagtugon sa mga pangangailangan ng lipunan, kabilang ang pangangalaga ng kalinisan sa ating kapaligiran.
Panulat ni Patrolwoman Marimar Junio
