Bangued, Abra- Isinagawa ang Clean-up Drive ng mga tauhan ng 1504th Maneuver Company, Regional Mobile Force Battalion sa Brgy. Anggad, Bangued, Abra ganap na 8:00 ng umaga nito lamang Sabado, Disyembre 10, 2022.
Ang aktibidad ay pinangunahan ni Police Lieutenant Elpidio Andong, Officer-In-Charge, katuwang ang Youth Mobile Force-Abra Chapter, Brgy. Officials at mga residente sa pangunguna ni Brgy. Kapitan Ramon Beralde.
Ang mga naturang grupo ay nagtulungan na linisin, tanggalin ang mga damong nakaharang sa mga gilid ng kalsada, at pinulot ang mga basurang nakakalat.
Layunin ng aktibidad na maipakita ang suporta ng PNP at mga Advocacy Support Groups sa mamamayan upang mapanatili ang kaayusan at kalinisan sa komunidad na pinaglilingkuran.
