Lapu-Lapu City – Naglunsad ng Coastal Clean-up Drive ang mga tauhan ng Lapu-Lapu City Police Office sa Brgy. Pajo Lapu-Lapu City, Old Bridge nito lamang umaga ng Miyerkules, Nobyembre 02, 2022.
Ito ay sa ilalim ng pamumuno ni Police Major Ramil Dugan, Station Commander, katuwang ang FTP CL Dilaab 2022-02 na pinangunahan ni PSMS Jason Sarsaba, FTO.
Tulong-tulong ang nasabing grupo na linisin ang mga basura na nakakalat sa ilalim ng lumang tulay ng Lapu-Lapu City at sako-sakong basura ang kanilang nakolekta.
Layunin ng Lapu-Lapu City PNP na makatulong sa pagbabawas ng basura sa ating kapaligiran at upang i-recycle ang karamihan sa mga basura na kanilang nakolekta tulad ng mga plastik at metal na siyang maaaring gamitin sa pagpapaganda ng ating kapaligiran.
